السلام عليكم ورحمة الله
عايز تعمل حاجة ومكسل ؟
بتحس بإرهاق ملوش مبرر ؟
بتحس بتعب مع إنك لسة نايم ؟
بتحس بكسل ملوش أي سبب ؟
عايز تكسر كل ده ؟
الحل بسيط جدا
ودي تجربة قمت بيها مع العديد من زملائي
أثبتت نجاحها ودونتها في دراسة نفسية شغال فيها
أحضر ورقة وقلم وإكتب اللي إنتا عايز تنفذه ومكسل تنفذه
وبعد ما تكتب
إسترخي شوية ( هاتقول هيا ناقصة كسل (
هاقولك جرب وامشي معايا في الخطوات
إسترخي تماما ….وغمض عنيك …وبعد دقيقة
فكر يا ترى لو أنا نفذت الحجات دي هاستفيد إيه ؟
إبدأ بتخيل سريع للحاجة وإنتا بتنفذها …
وبعد دقيقة من التخيل وإنتا دلوقتي نفذت كل حاجة …
حاسس بإيه بعد ما نفذت كل اللي عليك ؟
سعيد أد إيه ؟
شعورك إيه ؟
أكيد حاسس بنشوة
—–
إفتح عينك بعدها
وقول ” أنا أقدر أنفذ ده “
وبعدها قول ” لا إله إلا الله وحده لا شريك له له الملك وله الحمد وهو على كل شئ قدير “
بمجرد إحساس عقلك اللاواعي بإنجاز العمل
هاتحس إنك ممكن تقدر تنفذه لأنك خزنت في اللاشعور إنك عملت
ده فعلا ….
وبالإستعانة بالله وذكره نفيت أي قدرة ليك وأوكلت كل القدرة لله
وبالشكل ده ربطت عقلك بالله وده معناه إنك متعلق بقوي وهوا إسمه
القوي …
وبالشكل ده هايتولد عندك إحساس بالطمأنينة
وده اللي بيقلل نسبة القلق عندك ….
ومع إنخفاض القلق هايرتفع التركيز …
وتبقى ما شاء الله منتبه وفايق للي إنتا عايز تعمله … جرب وكن واثق من النتيجة بس
ماتنساش تدعيلي معاك
م/أحمد
